जनताको विश्वास जित्दै कर्णाली स्वास्थ्य विज्ञान प्रतिष्ठान


News & Events : Published on 2074-06-18 in swasthyakhabar.com
जनताको विश्वास जित्दै कर्णाली स्वास्थ्य विज्ञान प्रतिष्ठान

जुम्ला– साउनको दोस्रो साता खलंगास्थित कर्णाली स्वास्थ्य विज्ञान प्रतिष्ठानको अस्पताल पुग्दा कालीकोटका गोरख रोकाय छोरीको उपचार गराइरहेका भेटिए । समान्य झाडापखाला लागेकी छोरीलाई दुई महिनासम्म निको नभएपछि उनी तीन दिनअघि अस्पताल आइपुगेका हुन् । उनी ३ घन्टा पैदल र त्यसपछि गाडी चढेर खलंगा आइपुगेका थिए ।

गाउँकै स्वाथ्य चौकीमा पाइने औषधिले निको नभएकी छोरीको अस्पताल ल्याएपछि स्वास्थ्यमा आएको सुधारले उनी दंग देखिए । रोकाय पहिलो पटक प्रतिष्ठनको अस्पताल आएका भने होइनन् । यसअघि पनि आफैं र श्रीमती बिरामी हुदाँ उनी खलंगा आएका थिए । त्यसबेला करिब दुई महिना अस्पताल बसेर उपचार गराएका रोकाय यहाँको सेवाप्रति ढुक्क छन् । आफ्नो गाउँको हावापानी, भाषा अनुसार मिल्ने र नेपालगञ्जभन्दा नजिक भएकाले उनी यहाँ उपचार गर्न आउँदा घरमै भएको महसुस गर्छन् ।
पुरा पढ्नुहोस्